ဓမ္မကျောင်းတော်သင်ဆရာ၊ဆရာမများအား အရည်အချင်းမြှင့်သင်တန်းများဖွင့်လှစ်
မြန်မာနိုင်ငံအနှံ့အပြားတွင်
ဓမ္မကျောင်းတော်များ၊ ဓမ္မစကူးလ်သင်တန်းများ၊ ယဉ်ကျေးလိမ္မာသင်တန်းများ အများအပြားကို
အပတ်စဉ် တနင်္ဂနွေနေ့များ၌ ဖွင့်လှစ်လာကြပါသည်။အဆိုပါ သင်တန်းများ ရေရှည်တည်တံ့အောင်မြင်ရန်၊
ဆရာ၊ဆရာမများ အရည်အချင်းမြှင့်တင်ပေးရန်နှင့် ဖြစ်ပေါ်လာသော အခတ်အခဲများအား ကူညီဖြေရှင်းပေးနိုင်ရန်အတွက်
ဦးဆောင်ဆရာတော်များက မြန်မာနိုင်ငံလုံးဆိုင်ရာယဉ်ကျေးလိမ္မာပြန့်ပွားရေးအဖွဲ့(ဗဟို)ကို
ဖွဲ့စည်းကာ သာသနာပြုလုပ်ငန်းကို တိုးမြှင့်ဆောင်ရွက်လျှက်ရှိပါသည်။
ဗဟိုအဖွဲ့မှ ဦးဆောင်ပြီး မန္တလေးယဉ်ကျေးလိမ္မာစင်တာ(ဗဟို)နှင့်
နေပြည်တော်ယဉ်ကျေးလိမ္မာ စင်တာ(ဗဟိုခွဲ-၁)တို့၌ တစ်လလျှင် နည်းပြဆရာဖြစ်သင်တန်းတစ်ကြိမ်စီဖွင့်လှစ်သင်ကြားလျှက်ရှိရာ
နေပြည်တော်ယဉ်ကျေးလိမ္မာစင်တာ၌ စက်တင်ဘာ(၄)ရက်မှ (၁၄)ရက်နေ့အထိ နည်းပြ ဆရာဖြစ်သင်တန်း
အမှတ်စဉ်(၉)ကို ဖွင့်လှစ်သင်ကြားနေပါသည်။
၎င်းသင်တန်းမှ လုပ်ငန်းတစ်ခုအောင်မြင်ရန်
မရှိမဖြစ်လိုအပ်သည့် စီမံခန့်ခွဲမှုပညာရပ်ဆိုင်ရာ သင်ခန်းစာများ၊မြတ်ဗုဒ္ဓ၏တရားတော်များ၊
IT ဗဟုသုတများနှင့် ကျန်းမာရေးဗဟုသုတများကိုသင်ကြားပေးနေပါသည်။သင်ခန်းစာကို သင်တန်းသားများ
ပူးပေါင်းပါဝင်နိုင်စေရန်စင်တင်စကားပြောပွဲများ၊ စကားရေလုပွဲများနှင့် အလုပ်ရုံဆွေးနွေးပွဲများဖြင့်
သင်ကြားပေးနေပါသည်။
CCAကို အခြေခံကာ ၂၀၁၄ခုနှစ် စက်တင်ဘာလအထိ
ဤသင်တန်းဌာနအနေဖြင့် နည်းပြဆရာဖြစ်သင်တန်း၊ ဆရာ၊ဆရာမမွမ်းမံသင်တန်း၊ လူငယ်ယဉ်ကျေးမှုသင်တန်း
များ စုစုပေါင်း (၅)ကြိမ်ဖွင့်လှစ်သင်ကြားပြီးဖြစ်ပါသည်။ အဆိုပါသင်တန်းမှ မြန်မာနိုင်ငံတစ်ဝန်းလုံး
ဆရာ၊ဆရာမ စုစုပေါင်း (၇၈၄၂)ကိုမွေးထုတ်နိုင်ခဲ့ပြီဖြစ်ပါသည်။
သင်တန်းတက်ရောက်လိုသူများ သင်တန်းကျောင်း၏ရုံးခန်း
၀၉-၄၃၀ ၇၅၇၀၄၊ ၀၉-၈၃၀ ၄၄၄၆နှင့် Onlineမှ လျှောက်ထားလိုသူများ office@dhammatrainingcenter.comသို့
ဆက်သွယ်လျှေက်ထားနိုင်ပါသည်။
ကိုဇေ (နေပြည်တော်)
No comments:
Post a Comment